பாஜகவின் புதிய தலைவராக நயினார் நாகேந்திரன் முறையாக தேர்ந்தெடுக்கப்பட்டார். இந்த நிகழ்வின் போது, கட்சியின் மத்தியில் உரையாற்றிய அவர், கடந்த காலத்திலான அண்ணாமலையின் பேச்சை சுட்டிக்காட்டினார்.
முன்னதாக அண்ணாமலை, “ஆட்சி மாற்றம் நடந்தால் தான் செருப்பு அணிவேன்” என கூறியிருந்தார். இதனை குறிப்பிட்ட நயினார் நாகேந்திரன், “ஆட்சி மாற்றத்திற்கான அடிகளை அமித்ஷா ஏற்கனவே ஏற்படுத்திவிட்டார். எனவே இப்போது அவர் செருப்பு அணியலாம்” என்று தெரிவித்தார். இதனை வலியுறுத்தி அண்ணாமலையிடம் செருப்பை வழங்க, அண்ணாமலை அதை அணிந்துகொண்டார்.
அதனைத் தொடர்ந்து பேசி நயினார் நாகேந்திரன்“அண்ணாமலை மற்றும் முந்தைய தலைவர்கள் கட்சியை கோபுரம் போல் கட்டி காத்து வந்தனர். நான் அதன் மேல் உள்ள கலசமாக இருந்து, கட்சியை அடுத்த கட்டத்திற்கு எடுத்துச்செல்வேன்,” என்று தெரிவித்தார்.
