மின்சார சபை ஊழியர்கள் இழப்பீட்டுடன் வெளியேறலாம் – அமைச்சர்

புதிய மறுசீரமைப்பு மாதிரியை ஏற்காத இலங்கை மின்சார சபை ஊழியர்கள் இழப்பீட்டுடன் வெளியேறலாம் என்று மின்சக்தி அமைச்சர் குமார ஜெயக்கொடி கூறுகிறார்.
அரசாங்க தகவல் திணைக்களத்தில் நேற்று திங்கட்கிழமை (15) நடைபெற்ற சிறப்பு ஊடகவியலாளர் சந்திப்பின் போது, ​​இலங்கை மின்சார சபையின் தற்போதைய நிலைமை குறித்து உரையாற்றும் போதே அவர் இமேற்கண்டவாறு தெரிவித்தார்.
CEB மூடப்படுவதற்கு வழிவகுக்கும் இழப்பீட்டுத் தொகைகள் உட்பட பல நடைமுறைக்கு மாறான கோரிக்கைகள் முன்வைக்கப்பட்டுள்ளதாக அமைச்சர் குறிப்பிட்டார்.
உற்பத்தி, பரிமாற்றம், விநியோகம் மற்றுல் , மேலாண்மை என மின்சார சபை நான்கு முக்கிய நிறுவனங்களாகப் பிரிக்கப்பட்டுள்ளது. இந்தப் பிரிவு இருந்தபோதிலும், உரிமை அரசாங்கத்திடம் உள்ளது.
இந்தப் புதிய நிறுவனங்களில் ஊழியர்கள் உள்வாங்கப்படுவார்கள் என்று அவர்களுக்குத் தெரிவிக்கப்பட்டுள்ளதாகவும், அவ்வாறு செய்ய விரும்பாதவர்கள் ராஜினாமா செய்ய வாய்ப்பு வழங்கப்படும் என்றும் அமைச்சர் மேலும் கூறினார்.
தானாக முன்வந்து ராஜினாமா செய்யும் ஊழியர்கள் பாகுபாடு இல்லாமல் ரூ. 500,000 வரை இழப்பீடு கோர தகுதியுடையவர்கள். CEB அதன் முந்தைய வடிவத்தில் தொடர்ந்திருந்தால், ஆகஸ்ட் 27 க்குப் பிறகு 12,000 ஊழியர்களை வீட்டிற்கு அனுப்ப முடிவு செய்யப்பட்டிருக்கும் என்று அவர் வலியுறுத்தினார்.
இந்த மாதம் 2 ஆம் திக‌தி அனைத்து தொழிற்சங்கங்களும் அழைக்கப்பட்டு அவர்களின் கேள்விகளுக்குப் பதில்கள் வழங்கப்பட்ட போதிலும், 3 ஆம் திக‌தி புதிய கோரிக்கைகள் சமர்ப்பிக்கப்பட்டதாக அமைச்சர் தெரிவித்தார்.