பிரதமர் மோடிக்கு கிடைத்த பரிசுகள் ஏலத்தில் விடப்படும்

பிரதமர் நரேந்திர மோடிக்கு பரிசாக வழங்கப்பட்ட‌ 1,300க்கும் மேற்பட்ட பரிசுப் பொருட்களின் ஏழாவது ஒன்லைன் ஏலம்த்தில் விடப்படும். பிரதமர் மோடியின் 75வது பிறந்தநாளான இன்று புதன்கிழமை [17] ஒன்லை ஏலம் திறக்கப்பட்டது.ளுடன் இந்த ஏலம் ஒத்துப்போகிறது.
அழகாக வடிவமைக்கப்பட்ட பவானி தேவியின் சிலை ,அயோத்தியின் ராமர் கோயிலின் மாதிரி ஆகியவை ஏலத்தில் உள்ளன.
PM Mementos வலைத்தளத்தின்படி, பவானி தேவியின் சிலையின் அடிப்படை விலை ₹1,03,95,000.
ராமர் கோயிலின் மாதிரியின் விலை ₹5.5 லட்சம்.
உயர் மதிப்புள்ள பொருட்களில் பராலிம்பிக் பதக்கம் வென்றவர்கள் அணியும் மூன்று ஜோடி காலணிகள், ஒவ்வொன்றும் ₹7.7 லட்சம் அடிப்படை விலையில் உள்ளன.
ஏலத்தில் ஜம்மு காஷ்மீரைச் சேர்ந்த பஷ்மினா சால்வையும் , ராமர் தர்பாரை சித்தரிக்கும் தஞ்சை ஓவியமும் இடம்பெற்றுள்ளன.
மத்திய கலாச்சார அமைச்சர் கஜேந்திர சிங் ஷெகாவத் தேசிய நவீன கலைக்கூடத்தில் (NGMA) ஏலத்தை அறிவித்தார்.
முதல் பதிப்பு ஏலம் 2019 ஜனவரியில் நடைபெற்றது, அதன் பின்னர், இந்த ஏலங்கள் மூலம் நமாமி கங்கை திட்டத்திற்காக ₹50 கோடிக்கு மேல் திரட்டப்பட்டுள்ளது.இந்த முயற்சி கங்கை நதியையும் அதன் சுற்றுச்சூழல் அமைப்பையும் புத்துயிர் பெறச் செய்து பாதுகாப்பதை நோக்கமாகக் கொண்டுள்ளது.
ரோகன் கலை, கையால் நெய்யப்பட்ட நாகா சால்வையும் ஏலத்தில் உள்ளது
இந்த மின்னணு ஏலத்தில், உலோக நடராஜர் சிலை, வாழ்க்கை மரத்தை சித்தரிக்கும் குஜராத்தின் ரோகன் கலை மற்றும் கையால் நெய்யப்பட்ட நாகா சால்வை ஆகியவை அடங்கும்.
பாரம்பரிய கலை, சிற்பங்கள், கைவினைப்பொருட்கள் , சடங்கு பரிசுகள் மூலம் இந்தியாவின் கலாசார பன்முகத்தன்மையை இது வெளிப்படுத்துகிறது.