புலாவாயோவில் உள்ள குயின்ஸ் ஸ்போர்ட்ஸ் கிளப்பில் ஸிம்பாப்வேக்கு எதிரான இரண்டாவது டெஸ்ட் கிறிக்கெற் போட்டியில் தென்னாப்பிரிக்காவின் தற்காலிக கப்டன் வியான் முல்டர் ஆட்டமிழக்காமல் 367 ஒட்டங்கள் எடுத்து சாதனை புத்தகங்களில் தனது பெயரைப் பொறித்தார்.
தென்னாப்பிரிக்கா கிரிக்கெட் அணி டிக்ளேர் அறிவித்தபோது 33 ஓட்டங்கள் வித்தியாசத்தில் பிரையன் லாராவின் 400 ஓட்டங் கள் உலக சாதனையை முறியடிக்கும் வாய்ப்பை அவர் தவறவிட்டாலும், முல்டர் தனது ஆட்டத்தில் ஐந்து குறிப்பிடத்தக்க மைல்கற்களை எட்டினார்.
முதலாவதாக, அவரது 367* ஓட்டங்கள், வெளிநாட்டு மைதானத்தில் 1958 ஆம் ஆண்டு வெஸ்ட் இண்டீஸ் அணிக்கு எதிராக ஹனிஃப் முகமது எடுத்த 337 ஓட்டங்களை விஞ்சியது.
இரண்டாவதாக, முல்டரின் இன்னிங்ஸ், தென்னாப்பிரிக்க டெஸ்ட் கப்டன் எடுத்த அதிகபட்ச ஓட்டங்கள் ஆகும், இது 2003 ஆம் ஆண்டு கிரேம் ஸ்மித்தின் முந்தைய 277 ஓட்டங்களை முறியடித்தது.
மூன்றாவதாக, முல்டர் இப்போது ஒரு டெஸ்ட் கிரிக்கெட் போட்டியில் தென்னாப்பிரிக்க வீரரின் அதிகபட்ச ஓட்டங் கள் என்ற சாதனையைப் படைத்து, ஸ்மித்தின் ஒரே டெஸ்ட் போட்டியில் 362 ஓட்டங்களை முறியடித்தார்.
நான்காவது, முல்டர் டெஸ்ட் கப்டனாக அறிமுகப்பட்டியில் முச்சதம் அடித்த முதல் கிரிக்கெட் வீரரானார், இதன் மூலம் கப்டனாக அறிமுகப்போட்டியில் அதிக ஓட்டங்கள் குவித்த நியூசிலாந்தின் கிரஹம் டவ்லிங் வைத்திருந்த 56 ஆண்டுகால சாதனையை முறியடித்தார்.
கடைசியாக, டெஸ்ட் வரலாற்றில் வேகமான முச்சதம் அடித்த சாதனையையும் முல்டர் முறியடித்தார்.
