விஸ்டன் பத்திரிகையால் 21 ஆம் நூற்றாண்டின் 15 சிறந்த டெஸ்ட் தொடர்களில் இலங்கையின் மூன்று தொடர்கள் இடம் பெற்றுள்ளன.
இந்தப் பட்டியலில், 2014 ஆம் ஆண்டு இங்கிலாந்துக்கு எதிரான இலங்கையின் 1-0 என்ற பரபரப்பான வெற்றி, 2018 ஆம் ஆண்டு மேற்கிந்தியத் தீவுகளுக்கு எதிரான தொடர் 1-1 என்ற சமநிலையில் முடிந்தது, , 2004 ஆம் ஆண்டு இலங்கையில் அவுஸ்திரேலியாவின் 3-0 என்ற வெற்றி ஆகியவை இடம்பெற்றுள்ளன – இது டெஸ்ட் வரலாற்றில் “மிக நெருக்கமான கிளீன் ஸ்வீப்” என்று அழைக்கப்படுகிறது.
2014 தொடரில் இரண்டு போட்டிகளும் இறுதி ஓவரில் தீர்மானிக்கப்பட்டன, அஞ்சலோ மத்யூஸ் தலைமையிலான அணி ஹெடிங்லியில் வியத்தகு வெற்றியைப் பெற்றது. 2018 கரீபியன் சுற்றுப்பயணம் பந்தை சேதப்படுத்தும் சர்ச்சை ,தற்காலிக கப்டன் சுரங்கா லக்மால் தலைமையிலான இலங்கையின் இறுதிப் போட்டியில் பின்னடைவு என்பன ரசிகர்களால் பேசப்பட்டன. 2004 தொடரில் இலங்கை மூன்று போட்டிகளிலும் முதல் இன்னிங்ஸ் முன்னிலை வகித்தது, ஆனால் ரிக்கி பாண்டிங்கின் தலைமையிலான அவுஸ்திரேலியர்கள் ஒவ்வொரு முறையும் வெற்றிக்காக போராடினர்.
அவுஸ்திரேலியாவில் இந்தியாவின் 2020/21 வெற்றி விஸ்டன் தரவரிசையில் முதலிடத்தைப் பிடித்தது, அதே நேரத்தில் இங்கிலாந்து , இந்தியா இடையேயான 2025 ஆண்டர்சன்–டெண்டுல்கர் டிராபி ஐந்தாவது இடத்தைப் பிடித்தது.
