Friday, November 28, 2025 1:32 pm
நேற்றைய தினம் (27) உலகின் முதல் ஒற்றை டோஸ் டெங்கு தடுப்பூசிக்கு பிரேசில் அரசாங்கம் ஒப்புதல் அளித்துள்ளது.
இத் தடுப்பூசி பாலோவில் உள்ள புகழ்பெற்ற புட்டான்டன் நிறுவனத்தால் உருவாக்கப்பட்டது.
இவ் ஒற்றை டோஸ் டெங்கு தடுப்பூசிக்கு ‘புட்டான்டன் டிவி’ என பெயரிடப்பட்டது.
குறித்த இந்த தடுப்பூசி 12 முதல் 59 வயதுடையவர்களுக்கு செலுத்தப்பட தகுந்தது.
தற்போது கிடைக்கக்கூடிய டெங்கு தடுப்பூசிக்கு மூன்று மாத இடைவெளியில் இரண்டு டோஸ்கள் தேவைப்பட்ட நிலையில் இப் புதிய தடுப்பூசி ஒரு டோஸ் போதுமானது.
பிரேசிலில் 16000 தன்னார்வலர்களிடம் எட்டு ஆண்டுகள் நடத்தப்பட்ட மருத்துவ பரிசோதனைகளில் கடுமையான டெங்கு நோய்க்கு எதிராக இந்த தடுப்பூசி 91.6 சதவீதம் பயனுள்ளதாக இருந்தது.
2024 ஆம் ஆண்டில் டெங்கு நோயால் உலகளவில் 14.6 மில்லியன் பாதிப்புகளும், 12000 இறப்புகளும் பதிவாகியுள்ளதாக உலக சுகாதார அமைப்பு தெரிவித்துள்ளது.
