இலங்கையை நோக்கி அதிகரித்து வரும் சுற்றுலாப் பயணிகள்

Tuesday, October 28, 2025 12:55 pm

ஒக்டோபர் மாதத்தில் இலங்கையின் சுற்றுலாத் துறை அதிகூடிய வளர்ச்சியைக் காட்டியுள்ளது. இந்த மாதத்தின் முதல் 26 நாட்களில் மட்டும் 137,876 சுற்றுலாப் பயணிகள் நாட்டிற்கு வந்துள்ளனர். 

இந்த எண்ணிக்கை 2024 ஆம் ஆண்டில் இதே காலகட்டத்தில் பதிவு செய்யப்பட்ட 113,189 சுற்றுலாப் பயணிகளுடன் ஒப்பிடும் போது 21.8 சதவீத அதிகரிப்பாக காணப்படுகின்றமை குறிப்பிடத்தக்கது.

அதன்படி இந்த ஆண்டு இதுவரை நாட்டிற்கு வந்த சுற்றுலாப் பயணிகளின் எண்ணிக்கை 1,863,370 ஆகும். 

ஜனவரி 01 முதல் ஒக்டோபர் 26 ஆம் திகதி வரை, இந்தியாவிலிருந்து மொத்தம் 416,387 சுற்றுலாப் பயணிகள் வருகை தந்துள்ளனர். 

இங்கிலாந்திலிருந்து 172,926 சுற்றுலாப் பயணிகளும், ரஷ்யாவிலிருந்து 130,651 சுற்றுலாப் பயணிகளும், ஜெர்மனியிலிருந்து 114,944 சுற்றுலாப் பயணிகளும் மற்றும் சீனாவிலிருந்து 111,189 சுற்றுலாப் பயணிகளும் வருகை தந்துள்ளனர்.