Tuesday, November 25, 2025 10:04 am
டிசம்பர் 12ஆம் திகதி இலங்கை ஆசியர் சங்கத்தினரால் நாடளாவிய ரீதியான பணிபகிஸ்கரிப்பினை மேற்கொள்ளவுள்ளதாக இலங்கை ஆசிரியர் சங்கத்தின் பொதுச் செயலாளர் ஜோசப் ஸ்டாலின் அறிவித்துள்ளார்.
நேற்று திங்கட்கிழமை யாழ்ப்பாணத்தில் இலங்கை ஆசிரியர் சங்கத்தின் உறுப்பினர்களுடன் கலந்துரையாடிய பின்னர் இடம்பெற்ற ஊடக சந்திப்பின் போதே இதனைத் தெரிவித்தார்.
தற்போதைய அரசாங்கத்தின் ஊடாக முன்னெடுக்கப்படும் கல்விக் கொள்ளைகளானது கல்விச் சமூகத்துடனும், ஆசிரியர்களுடனும் எவ்வித கலந்துரையாடல்களும் இடம்பெறாது தன்னிச்சையாக முன்னெடுக்கப்படுவதாக ஜோசப் ஸ்டாலின் குற்றம் சுமத்தியுள்ளார்.
பாடசாலை நேரத்தை இரண்டு மணிவரை என முன்வைக்கப்பட்ட முடிவு தவறானது என சுட்டிக்காட்டிய அவர் பாடசாலை நேரத்தை அதிகரிக்கும் போது முஸ்லிம் பிள்ளைகள் வெள்ளிக்கிழமைகளில் பாதிப்பிற்குள்ளாகும் நிலை ஏற்படும் எனவும் தெரிவித்துள்ளார்.
2026ம் ஆண்டிற்கான வரவு செலவு திட்டத்திட்டத்தில் கல்விக்காக ஒதுக்கும் தொகையும் மிக சொற்பமான நிலையில் இருக்கும் நிலையில் இந்த விடயங்கள் தொடர்பாக நாடாளுமன்றில் வடக்கு, கிழக்கை பிரதிநிதித்துவபடுத்தும் உறுப்பினர்கள் எவ்வித கருத்துக்களையும் தெரிவிக்காமை கவலையழிப்பதாகவும் தெரிவித்தார்.
ஆசிரியர்களின் சம்பளம் அதிகரிக்கப்படாமை, சுபோதினி அறிக்கையிலும் விடயங்கள் இன்னமும் முழுமையாக நடைமுறைப்படுத்தப்படாமை போன்ற விடயங்கள் தொடர்பாகவே தமது பணிப்புறக்கணிப்பு முன்னெடுக்கப்படவுள்ளது எனவும் இலங்கை ஆசிரியர் சங்கத்தின் பொதுச்செயலாளர் ஜோசப் ஸ்டாலின் தெரிவித்துள்ளார்.
