Friday, November 28, 2025 11:31 am
நாட்டைப் பாதித்துள்ள சீரற்ற வானிலை காரணமாக சிறீலங்கன் விமான சேவை நிறுவனம் பயணிகளுக்கு முக்கிய அறிவித்தல் ஒன்றை வெளியிட்டுள்ளது.
விமான நிலையத்தை வந்தடையும் மற்றும் புறப்படும் விமானங்களில் தாமதம் ஏற்படுவதால் பயணிகள் விமான நிலையத்திற்குச் செல்வதற்கு முன் www.srilankan.com என்ற இணையத்தளத்தில் சமீபத்திய விமான பயண நிலவரத்தை சரிபார்த்துக் கொள்ளுமாறும், 1979 என்ற அவசர தொலைபேசி இலக்கத்தை அல்லது +94 117 77 1979 என்ற எண்ணைத் தொடர்பு கொண்டு தகவல்களைப் பெறுமாறும் சிறீலங்கன் விமான சேவை அறிவுறுத்தியுள்ளது.
இதற்கிடையில், கட்டுநாயக்க விமான நிலையத்திற்கு வந்த ஆறு விமானங்களை இந்தியாவின் திருவனந்தபுரம் மற்றும் கொச்சின் விமான நிலையங்களுக்கு திருப்பி விட நடவடிக்கை எடுக்கப்பட்டுள்ளதாக விமான நிலைய பொறுப்பதிகாரி குறிப்பிட்டுள்ளார்.
எனவே பயணிகள் தமது பாதுகாப்பு கருதி அதிகாரிகளின் அறிவுறுத்தல்களை பின்பற்றுமாறு அறிவுறுத்தப்பட்டுள்ளனர்.

