Friday, November 21, 2025 8:29 am
தெற்கு கடலில் கைப்பற்றப்பட்ட போதைப்பொருள் கடத்தல் தொடர்பாக ஐக்கிய மக்கள் சக்தியின் சார்பில் உள்ளூராட்சி தேர்தலில் போட்டியிட்ட வேட்பாளர் ஒருவர் கைது செய்யப்பட்டுள்ளார்.
அந்த நபர் பன்னலவில் வைத்துக் கைது செய்யப்பட்டுள்ளதாக பொலிஸ் போதைப்பொருள் தடுப்புப் பிரிவு தெரிவித்துள்ளது.
கைதுசெய்யப்பட்டவர்களிடம் தொடர் விசாரணைகளை பொலிஸ் போதைப்பொருள் தடுப்புப் பிரிவினர் நடந்து வருகின்றனர்.
கப்பலை மேலும், சோதனை செய்தபோது ஹெரோயின், ஐஸ் அடங்கிய 18 பொதிகள், இரண்டு துப்பாக்கிகள் மற்றும் மெகசின்கள் என்பவை கண்டுபிடிக்கப்பட்டதாகவும் தெரிவிக்கப்படுகிறது.
தெற்கு கடலில் கடல் ரோந்துப் பணியின் போது கடற்படையினர் நேற்று (20) படகைக் கைப்பற்றியதுடன், அதிலிருந்து ஆறு போரை கைது செய்தனர்.
தடுத்து நிறுத்தப்பட்ட போதைப்பொருள் கடத்தும் கப்பலில் இருந்து 200 கிலோகிராம் ஐஸ்,100 கிலோ கிராம் ஹெரோயின் ஆகியவற்றை அதிகாரிகள் மீட்டதாக பாதுகாப்பு பிரதி அமைச்சர் தெரிவித்தார்.
இவற்றின் பெறுமதி 4 பில்லியன் ரூபா என மதிப்பிடப்பட்டுள்ளது.
