Friday, November 28, 2025 12:48 pm
“முழு நாடுமே ஒன்றாக” தேசிய வேலைத்திட்டத்தின் கீழ் பொலிஸ்மா அதிபரின் அறிவுறுத்தலுடன், இலங்கை பொலிஸாரினால் மேற்கொள்ளப்பட்டு வரும் தொடர்ச்சியான போதைப்பொருள் தடுப்பு நடவடிக்கைகளின் போது 654 சந்தேக நபர்கள் கைது செய்யப்பட்டுள்ளனர்.
அதே நேரம், அவர்களிடமிருந்து ஏராளமான போதைப்பொருட்களும் கைப்பற்றப்பட்டுள்ளன.
அதன்படி, நேற்று வியாழக்கிழமை (27) முன்னெடுக்கப்பட்ட சோதனை நடவடிக்கைகளுக்கமைய, 1 கிலோகிராம் 105 கிராம் ஐஸ், 857 கிராம் கஞ்சா, 5 கிலோகிராம் 555 கிராம் குஷ்ரக போதைப்பொருள், 245 கிராம் ஹெரோயின், 6 கிராம் ஹஷீஷ் ரக போதைப்பொருள், 476 போதை மாத்திரைகள், 745 கிராம் மாவா போதைப்பொருள் மற்றும் 250 கிராம் மதனமோதகம் என்பன கைப்பற்றப்பட்டுள்ளன.
மேலும், தடுப்புக்காவல் உத்தரவு பெற்ற 18 பேர் கைது செய்யப்பட்டுள்ளனர்.
அத்துடன், 667 சோதனைகள் நடத்தப்பட்டுள்ளதுடன், 27 பேர் மறுவாழ்வு நிலையங்களுக்கு அனுப்பி வைக்க பரிந்துரைக்கப்பட்டுள்ளதாக பொலிஸ் ஊடகப்பிரிவு வெளியிட்டுள்ள அறிக்கையில் தெரிவிக்கப்பட்டுள்ளது.
