Sunday, November 30, 2025 8:53 am
மன்னார் கட்டுக்கரைக் குளம் உடைப்பெடுக்கும் ஆபத்து உள்ளதால், பரப்புக் கடந்தான், அடம்பன் பிரதேச மக்களை பாதுகாப்பான இடங்களுக்கு செல்லுமாறு அதிகாரிகள் அறிவுறுத்தியுள்ளனர்.
கட்டுக்கரைக் குளத்தின் நீர்மட்டம் உயர்வடைந்து வருகின்றது. இதனால் உடைப்பெடுத்து நீர் விவசாய கிராங்களுக்குச் செல்லும் ஆபத்துள்ளதாக அதிகாரிகள் கூறுகின்றனர்.
ஆகவே மக்களை பாதுகாப்பான இடங்களுக்கு செல்லுமாறு கேட்டுள்ளதாகவும், அதற்கான ஏற்பாடுகள் செய்யப்படுவதாகவும் தகவல்கள் வெளியாகியுள்ளன.
இந்த வெள்ள அபாயத்தினால் மன்னார் கட்டுக்கரை குளத்தின் கீழ் 2025 /2026 ஆம் ஆண்டிற்கான பெரும்போக பயிர்ச்செய்கைகள் பாதிக்கப்படும் என விவசாயிகள் கவலை வெளியிட்டுள்ளனர்.
இதேவேளை, முல்லைத்தீவு மாவட்டத்தில் துண்டிக்கப்பட்டிருந்த சில கிராங்களுடன் தொடர்புகள் ஏற்படுத்தப்பட்டுள்ளன. அங்கிருந்த மக்களுக்கு அவசியமான உதவிகள் செய்யப்பட்டு வருவதாக செய்தியாளர்கள் தெரிவிக்கின்றனர்.
