Sunday, November 30, 2025 7:45 pm
நுவரேலியா மாவட்டம் ரம்போடை பிரதேசத்தில் அனர்த்த நிலைமையில் சிக்கித் தவித்த இந்தியா, தென்னாபிரிக்கா, ஜெர்மனி, இங்கிலாந்து, ஸ்லோவாக்கியா ஆகிய நாடுகளை சேரந்த சுற்றுலாப் பயணிகள் இன்று ஞாயிற்றுககிழமை பாதுகாப்பாக மீ்டகப்பட்டுள்ளனர்.
எம்ஐ என்ற இந்திய ஹெலிக்கொப்டர் மூலம் இலங்கை விமானப்படையினர் இவர்களை மீட்டுள்ளனர்.
கொழும்புக்கு அழைத்து வரப்பட்ட வெளிநாட்டு சுற்றுலா பயனிகளை, வெளிநாட்டலுவல்கள், மற்றும் சுற்றுலா அமைச்சர் விஜித ஹேரத், சந்தித்து நலன் விவசாரித்தார். தேவையான உதவிகளை செய்யுமாறும், இவர்கள் தங்கள் சொந்த நாடுகளுக்கு மீண்டும் பயனம் செய்யக் கூடி ஏற்பாடுகளை மேற்கொள்ளுமாறும் அமைச்சர் விஜித ஹேரத் அதிகாரிகளுக்கு அறிவுறுத்தியுள்ளார்.
சுற்றுலாப் பயணிகளுக்கான தங்குமிடம், போக்குவரத்து மற்றும் ஏனைய வசதிகளுக்கான ஏற்பாடுகளை வெளியுறவு அமைச்சு முன்னெடுத்துள்ளது. அதேவேளை, அனர்த்தங்களினால் சிக்கியுள்ள வேறு வெளிநாட்டு பயணிகளையும் ஹெலிகொப்டர்களில் கொழும்புக்கு அழைத்து வருமாறும் உத்தரவிடப்பட்டுள்ளது.
