Tuesday, November 25, 2025 12:54 pm
ஆனந்தசுதாகர் உட்பட சிறைகளில் தடுத்து வைக்கப்பட்டுள்ள 10 தமிழ் அரசியல் கைதிகளையும் அடுத்த மாதம் நடைபெறவுள்ள இலங்கையர் தினத்தை முன்னிட்டு விடுதலை செய்ய வேண்டும் என வன்னி மாவட்ட நாடாளுமன்ற உறுப்பினர் துரைராசா ரவிகரன், ஜனாதிபதி அநுரகுமார திசாநாயக்கவிடம் கோரிக்கை ஒன்றை முன்வைத்துள்ளார்.
முன்வைக்கப்பட்ட குறித்த கோரிக்கையை ஏற்றுக் கொண்ட ஜனாதிபதி தமிழ் அரசியல் கைதிகளை விடுதலை செய்வது தொடர்பில் தாம் பரிசீலனை செய்வதாகக் குறிப்பிட்டுள்ளார்.
இலங்கையர் தினம் தொடர்பில் தமிழ் அரசியல்வாதிகளுடன் நடைபெற்ற சந்திப்பின்போதே ஜனாதிபதி இந்த விடயத்தைக் கூறியதாக தெரிவிக்கப்பட்டுள்ளது.
தமிழ் அரசியல் கைதி ஆனந்தசுதாகருடைய மனைவி ஏற்கனவே உயிரிழந்துள்ள நிலையில், அவருடைய இரண்டு பிள்ளைகளையும் பராமரித்து வந்த பாட்டியும் உயிரிழந்துள்ளார். நிர்க்கதியாகியுள்ள பிள்ளைகள் தொடர்பில் ஜனாதிபதியிடம் தாம் எடுத்துரைத்துள்ளதாக நாடாளுமன்ற உறுப்பினர் துரைராசா ரவிகரன் தெரிவித்துள்ளார்.
