Friday, November 14, 2025 3:14 pm
சபை நடவடிக்கைகளின் போது பொருத்தமற்ற, அதாவது நாடாளுமன்ற நிலையில் கட்டளை விதிகளுக்கு (Parliamentary Standing Orders) மாறான சொற் பிரயோகங்களை முடிந்தவரை தவிர்த்துக் கொள்ளுமாறு, சபாநாயகர் ஜகத் விக்ரமரத்ன, இன்று வெள்ளிக்கிழமை நாடாளுமன்றத்தில் அறிவுறுத்தினார்.
வரவு செலவுத் திட்ட விவாதத்துக்காக நாடாளுமன்றம் கூடியபோது, இந்த அறிவுறுத்தலை சபாநாயகர் அனைத்து உறுப்பினர்களுக்கும் விடுத்தார்.
சில உறுப்பினர்கள், நாடாளுமன்ற ஒழுக்கவிதிகளுக்கு மாறான வார்த்தைப் பிரயோகங்களை பயன்படுத்துவதை தொடர்ச்சியாக தாம் அவதானித்து வருவதாக, சபாநாயகர் சுட்டிக்காட்டினார். இவ்வாறான வார்த்தைப் பிரயோகங்கள் நாடாளுமன்ற கௌரவம் – மரபுகள் ஆகியவற்றை பாதிக்கின்றது எனவும் சொன்னார்.
முறையற்ற வார்த்தைப் பிரயோகங்களை, இனிவரும் காலத்தில் சபையில் பயன்படுத்தக்கூடாது எனவும் சபாநாயகர் ஜகத் விக்ரமரத்ன எச்சரித்துள்ளார்.
