Tuesday, November 25, 2025 11:30 am
வாழைச்சேனை பகுதியில் தொல்லியல் இடங்களை அடையாளப்படுத்தி நாட்டப்பட்ட பெயர் பலகைகள் பிரதேச சபையால் அகற்றப்பட்ட விடயம் தொடர்பில், ஒருவர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.
மட்டக்களப்பு – கிரான் பகுதியில் வைத்து அவர் கைது செய்யப்பட்டுள்ளார்.
பெயர் பலகை அகற்றப்பட்ட சம்பவம் தொடர்பில் 7 பேர் சந்தேகநபர்களாக அடையாளம் காணப்பட்டுள்ளதாகவும், அவர்களில் ஒருவர் கைது செய்யப்பட்டுள்ளதாகவும் தெரிவிக்கப்பட்டுள்ளது.
அகற்றப்பட்ட பெயர் பலகை மீட்கப்பட்டுள்ளதுடன், சந்தேகநபர்களை அடையாளம் காண்பதற்காக 4 பொலிஸ் குழுக்கள் அமைக்கப்பட்டுள்ளதாகவும் பொலிஸார் தெரிவித்துள்ளனர்.
தேடப்பட்டு வரும் சந்தேகநபர்களில் வாழைச்சேனை பிரதேச சபையின் தவிசாளரும் அடங்குகின்றமை குறிப்பிடத்தக்கது.
