Friday, November 21, 2025 10:13 am
அராங்கத்திற்கு எதிராக எதிர்கட்சிகளினால் நுகேகொடையில் இன்று வெள்ளிக்கிழமை முன்னெடுக்கப்படவுள்ள பேரணியில் அந்தப் பகுதியில் அமைந்துள்ள உயர்தரப் பரீட்சை மையங்களுக்கு இடையூறு விளைவிக்காது அதனை உறுதி செய்யுமாறு பேரணியின் ஏற்பாட்டாளர்களுக்கு பொலிஸார் வலியுறுத்தியுள்ளனர்.
நுகேகொடையில் உள்ள அனுலா வித்யாலயா, செயிண்ட் ஜான்ஸ் கல்லூரி, செயிண்ட் ஜோசப் பெண்கள் பாடசாலை மற்றும் சமுத்திரதேவி பாலிகா வித்யாலயா உள்ளிட்ட பல பாடசாலைகள் 2025 உயர்தர அரசியல் அறிவியல் வினாத்தாளுக்கான தேர்வு மையங்களாக செயல்பட்டு வருகின்றன.
உயர்தர பரீட்சையை பாதிக்கக்கூடிய சத்தம், நெரிசல் போன்ற இடையூறுகளைத் தவிர்க்கும் வகையில் பேரணியை நடத்துமாறு ஏற்பாட்டாளர்களுக்கு அதிகாரிகள் அறிவித்துள்ளனர்.
அத்துடன் தேர்வு சூழலைப் பாதுகாக்கவும், மாணவர்கள் சிரமத்திற்கு ஆளாகாமல் இருப்பதை உறுதி செய்யவும் தேவையான நடவடிக்கைகள் எடுக்கப்படும் என பொலிஸார் தெரிவித்தனர்.
