Sunday, November 30, 2025 5:18 pm
திருகோணமலை மாவிலாறு குளம் சிறிய அளவில் உடைப்பெடுத்துள்ளதால் வெருகல், கிண்ணியா, மூதூர் உள்ளிட்ட பல தாழ் நிலப் பகுதிகளில் வெள்ளம் ஏற்பட்டுள்ளது.
இந்த நிலையில் ஜனாதிபதி அநுரகுமார திஸாநாயக்காவின் உத்தரவில் இராணுவத் தளபதியின் நேரடி கண்காணிப்பில் பாதிக்கப்பட்ட மக்களை மீட்கும் நடவடிக்கைகள் இடம்பெறுகின்றன.
மாவிலாறு குளத்தின் மேலும் பல பகுதிகள் உடைப்பெடுக்கும் அபாயம் உள்ளதால் அருகில் உள்ள தாழ் நிலப் பிரதேசங்கள் நீரில் மூழ்கும் ஆபத்து உள்ளது.
மாவிலாறு அணைக்கட்டுக்கு அருகில் வாழும் மக்கள் தற்போது வெளியேற்றப்பட்டுள்ளதுடன் ஏனைய மக்களையும் வெளியேற்றும் நடவடிக்கை முன்னெடுக்கப்பட்டு வருவதாக திருகோணமலை மாவட்ட நாடாளுமன்ற உறுப்பினர் ரொஷான் அக்மீமன தெரிவித்துள்ளார்.
முப்படையினரும் பணியில் ஈடுபடுத்தப்பட்டுள்ளதாகவும், ஹெலிகொப்டர்கள் பயன்படுத்தப்பட்டு வருவதாகவும் ரொஷான் அக்மீமன் தெரிவித்துள்ளார்.
