Friday, October 24, 2025 12:09 pm
‘Lemmon’ (லெமன்) என அழைக்கப்படும் ‘C/2025 A6’ என்ற வால் நட்சத்திரத்தை, இன்று மாலை இலங்கையர்கள் காண முடியும் என விண்வெளி விஞ்ஞானியும், பொறியியலாளருமான கிஹான் வீரசேகர தெரிவித்துள்ளார்.
இன்று மாலை 6.30 மணி முதல் சுமார் 30 தொடக்கம் 45 நிமிடங்கள் வரை இந்த வால் நட்சத்திரம் அடிவானத்திற்கு அருகில் தென்படும். மழை இல்லாத தெளிவான மாலை நேரங்களில், இலங்கையின் மேல் கடற்கரையிலிருந்து இந்த வால் நட்சத்திரத்தை எளிதாகக் காணலாம் என அவர் மேலும் தெரிவித்துள்ளார்.
அமெரிக்காவில் உள்ள மவுண்ட் லெமன் ஆய்வகத்தில் இந்த வால் நட்சத்திரம் கண்டுபிடிக்கப்பட்டமையினால் அதற்கு Lemmon என்று பெயரிடப்பட்டுள்ளது. Lemmon வால் நட்சத்திரம் சுமார் 1,350 ஆண்டுகளுக்குப் பின்னர் நமது சூரிய மண்டலத்திற்குள் திரும்பி வருவதாக நாசா தெரிவித்துள்ளது.
