Saturday, November 29, 2025 6:32 pm
கேகாலை மாவட்டத்தின் அரநாயக்க அம்பலாங்கந்தை பிரதேசத்தில் மண் சரிவு எற்பட்டு 20 குழந்தைகள் உட்பட 120 பேர் காணாமல் போயுள்ளதாக அனர்த்த முகாமைத்துவ நிலையம் அறிவித்துள்ளது. பெருமளவில் மண் சரிவால் மீட்பு பணிகளை மேற்கொள்வதில் சிரமங்கள் ஏற்பட்டுள்ளதாகவும் தெரிவிக்கப்பட்டுள்ளது.
இன்று சனிக்கிழமை காலை இந்த மண் சரிவு ஏற்பட்டதாகவும், பிரதேசத்தில் வாழும் எவருடனும் தொடர்பு கொள்ள முடியவில்லை என்றும் பொலிஸ் தகவல்கள் கூறுகின்றன.
தொடர்ச்சியான மழை காரணமாக மண்சரிவு ஏற்பட்டுள்ளதாகவும் இப் பிரதேசத்தில் ஆகக் குறைந்தது 800 குடும்பங்கள் வாழ்வதாகவும் பொலிஸார் தெரிவித்தனர்.
உயிரிழப்புகளின் எண்ணிக்கையை இதுவரை கணக்கிட முடியவில்லை என்றும், மீட்பு பணிகள் சிரமங்களின் மத்தியில் ஆரம்பிக்கப்பட்டுள்ளது என்றும் பொலிஸார் தெரிவித்தனர்.
இதேவேளை முப்படையினருக்கும் தற்போது குறித்த பிரதேசத்திற்குச் சென்றுள்ளனர். ஆனாலும் மீட்பு பணிகளை ஆரம்பிக்க முடியாதுள்ளதாகவும், தெரிவிக்கப்பட்டுள்ளது.
சுகாதார அதிகாரி ஒருவரின் மூலமாகவே 20 குழந்தைகள் உட்பட 120 பேர் காணாமல் போயுள்ளதாக கொழும்பு தகவல்கள் கூறுகின்றன. ஆனால் காணாமல் போன மற்றும் உயிாிழப்பு எண்ணிக்கை மேலும் அதிகமாக இருக்கலாம் எனவும் கொழும்பு தகவல்கள் கூறுகின்றன.
