Wednesday, November 12, 2025 8:03 pm
தற்போதைய காலத்தில் பெரும்பாலானவர்கள் பயன்படுத்தும் பொருட்களில் ஒன்றாக ஆப்பிள் நிறுவனம் வெளியிடும் தயாரிப்புக்கள் காணப்படுகின்றன. இந்த நிறுவனத்தின் தயாரிப்புக்களை பயன்படுத்துவது ஒரு கௌரவமாக சமூதாயத்தில் பார்க்கப்படுகின்றது.
வாடிக்கையாளர்களை ஈர்ப்பதற்காக ஆப்பிள் நிறுவனம் புதிய புதிய தொழில்நுட்பங்களை தயாரித்து வெளியிடுகின்றது. இந்த நிலையில் தற்போது ஆப்பிள் நிறுவனம் துணியினால் வடிவமைக்கப்பட்ட ஐபோன் பொக்கட் ஒன்றை விற்பனைக்கு வெளியிட்டுள்ளது.
வெவ்வேறு வண்ணங்களிலும் இரண்டு அளவுகளில் இதனை பெற்றுக் கொள்ள முடியும். இதன் பெறுமதி 230 டொலர் அதாவது இலங்கை ரூபாவில் 75000 பெறுமதி கொண்டது எனத் தெரிவிக்கப்பட்டுள்ளது.
“ஐபோனை உங்கள் சொந்த பாணியில் அணிவதற்கான மகிழ்ச்சி” என்ற கருப்பொருளின் அடிப்படையில் ஐபோன் Pocket வடிவமைக்கப்பட்டுள்ளது.
உயர்மட்ட ஜப்பானிய பிராண்டான “இஸ்ஸே மியாக்கி” (Issey Miyake) உடன் இணைந்து உருவாக்கப்பட்ட இந்தச் சிறப்புப் வடிவமைப்பை இந்த வாரம் வெளியிட ஆப்பிள் நிறுவனம் திட்டமிட்டுள்ளது.
நவம்பர் 14 ஆம் திகதி முதல் தேர்ந்தெடுக்கப்பட்ட ஆப்பிள் ஸ்டோர்களிலும், பிரான்ஸ், சீனா, இத்தாலி, ஜப்பான், சிங்கப்பூர், தென் கொரியா, இங்கிலாந்து மற்றும் அமெரிக்கா ஆகிய நாடுகளில் apple.com மூலமாகவும் கிடைக்கும் எனவும் தெரிவிக்கப்பட்டள்ளது.
