Saturday, November 29, 2025 11:55 am
“டித்வா” புயல் காரணமாக பதிக்கப்பட்ட இரண்டு இலட்சத்துக்கும் அதிகமான மக்களுக்கு உதவி வழங்க இந்திய அரசு நிவாரண பொருட்களை அனுப்பியுள்ளது. மீட்பு பணிக்குரிய உபகரணங்கள் மற்றும் ஹெலிகொப்டர்களும் அனுப்பி வைக்கப்பட்டுள்ளதாக கொழும்பில் உள்ள இந்திய உயர்ஸ்தானிகராலயம் தெரிவித்துள்ளது.
புயல் காரணமாக பாதிக்கப்பட்டுள்ள தருணத்தில் இலங்கை மக்களுக்கு இந்தியா உதவி வழங்க காத்திருப்பதாக எக்கனமிக்நெக்ஸ்ற் (economynext) என்ற ஆங்கில செய்தித் தளம் செய்தி வெளியிட்டுள்ளது.
மனிதாபிமானத் தேவைகளின் அடிப்படையில் பாதிக்கப்பட்ட குடும்பங்களுக்கான மனிதாபிமான உதவி மற்றும் அனர்த்த நிவாரண (Humanitarian Assistance and Disaster Relief -HADR) மீட்புக்கு ஒத்துழைப்பு வழங்கும் நோக்கில், இந்திய அரசு ஏற்பாடு செய்துள்ளதாக கொழும்பில் உள்ள இந்திய உயர்ஸ்தானிகராலயம் வெளியிட்டுள்ள அறிக்கையில் தெரிவிக்கப்பட்டுள்ளது.
அவசர நிவாரணப் பொருட்கள் மற்றும் அத்தியாவசிய பொருட்களும் அனுப்பி வைக்கப்பட்டுள்ளன. நிவாரணப் பொருட்களுடன், மற்றொரு இந்திய விமானம் இன்று சனிக்கிழமை காலை கொழும்புக்கு வந்துள்ளது.
