Friday, November 21, 2025 1:50 pm
தேச விடுதலைக்காக போராடி வித்துடல்களான மாவீரர்களை நினைவுகூரும் மாவீரர் வாரத்தின் ஆரம்ப நாள் நிகள்வுகள் இன்று வேலணை சாட்டி மாவீரர் துயிலும் இல்லத்தில் இடம்பெற்றது.
தீவக நினைவேந்தல் ஒன்றியத்தின் ஏற்பாட்டில் சாட்டி மாவீரர் துயிலும் இல்லத்தில் குறித்த நிகழ்வு இன்று வெள்ளிக்கிழமை ஈகச் சுடரேற்றப்பட்டு ஆரம்பித்து வைக்கப்பட்டது.
நாளை காலை 9.30 மணியளவில் தீவகத்தில் வாழும் மாவீரர்களின் உறவுகளை மதிப்பளித்து கௌரவம் வழங்கும் நிகழ்வுகள் இடம்பெறவுள்ளது.
இன்று 21 ஆம் திகதி ஆரம்பமாகும் மாவீரர் வாரம் எதிர்வரும் 27 ஆம் திகதி இறுதி நாள் நிகழ்வுகளுடன் நிறைவு பெறும்.
ஊர்காவற்றுறை பிரதேச சபையின் பொது விளையாட்டரங்கின் திறந்தவெளி அரங்கில் இறுதி நிகழ்வுகள் ஏற்பாடு செய்யப்பட்டுள்ளதாக குறித்த ஏற்பாட்டுக் குழு தெரிவித்துள்ளது.
