மீனவர்கள் கடலுக்குச் செல்வதைத் தவிர்க்கவும் – கடற்றொழில் அமைச்சின் அவசர எச்சரிக்கை!

Thursday, November 27, 2025 2:55 pm

நாட்டைச் சூழவுள்ள கடற்பிராந்தியத்தில் உருவாகியுள்ள தாழமுக்கம் காரணமாக, மறு அறிவித்தல் வரை மீனவர்கள் மீன்பிடி நடவடிக்கைகளுக்காகக் கடலுக்குச் செல்வதைத் முற்றாகத் தவிர்க்குமாறுகடற்றொழில் அமைச்சு கடுமையாக எச்சரிக்கை விடுத்துள்ளது.

பல நாள் மற்றும் ஒரு நாள் மீன்பிடிபடகுகள் உள்ளிட்ட அனைத்து மீன்பிடிப் படகுகளுக்கும் இந்த அறிவித்தல் விடுக்கப்பட்டுள்ளது.

நவம்பர் 29 ஆம் திகதி வரை இந்த வானிலை நீடிக்கக்கூடும் எனவும், கடல் அலைகள் 4-5 மீட்டர் வரை உயரக்கூடும் எனவும், காற்றின் வேகம் மணிக்கு 80 கிலோமீட்டர் வரை அதிகரிக்கக்கூடும் எனவும் தெரிவிக்கப்பட்டுள்ளது.

இன்று வியாழக்கிழமை காலை வாழைச்சேனை துறைமுகத்திற்குள் பிரவேசிக்க முற்பட்ட பல நாள் மீன்பிடிக் கலன் கவிழ்ந்து விபத்துக்குள்ளான நிலையில் மீனவர் ஒருவர் காணாமல் போயுள்ளதுடன் அவரைத் தேடும் பணி தற்போது முன்னெடுக்கப்பட்டு வருகின்றமை குறிப்பிடத்தக்கது.