Wednesday, November 26, 2025 1:46 pm
முழுமையாக இந்தியாவில் உருவாக்கப்பட்ட முதலாவது விமானந்தாங்கி கப்பலான INS Vikrant (ஐ.என்.எஸ். விக்ராந்த்) கொழும்பு துறைமுகத்தில் நங்கூரமிடப்பட்டுள்ளது.
இலங்கை கடற்படை 75ஆம் ஆண்டு நிறைவையொட்டி நடத்தப்படும் சர்வதேச கடற்படை அணிவகுப்பு நிகழ்வில் பங்கேற்க விக்ராந்த் கொழும்புத் துறைமுகத்திற்கு வருகைதந்துள்ளது.
இந்த நிகழ்வில் கலந்து கொள்வதற்காக பங்களாதேஷ், ஈரான், மாலைத்தீவு, மலேசியா, பாகிஸ்தான் மற்றும் ரஷ்யா உள்ளிட்ட எட்டு போர்க் கப்பல்கள் இந்த வாரம் கொழும்பு துறைமுகத்தில் நங்கூரமிடவுள்ளன.
2022ஆம் ஆண்டு இந்திய கடற்படையில் இணைக்கப்பட்ட INS Vikrant 45000 தொன் எடையுடையது. மேம்பட்ட தொழில்நுட்பத்துடன் உருவாக்கப்பட்ட இது பன்முக போர் விமானங்கள், ஹெலிக்கொப்டர்கள் மற்றும் பாதுகாப்பு அமைப்புகளை தாங்கியுள்ள இந்தியாவின் முக்கியமான கடற்படை சொத்தாக கருதப்படுகிறது.
INS Vikrant இந்த வருகை இந்தியா – இலங்கை இருநாட்டு பாதுகாப்பு ஒத்துழைப்பு மற்றும் பிராந்திய கடற்பாதுகாப்பை வலுப்படுத்தும் ஒரு முக்கிய நிகழ்வாகவும் பார்க்கப்படுகிறது.
