Tuesday, November 25, 2025 1:28 pm
வவுனியா ஹொரவப்பொத்தானை வீதியில் அமைந்திருந்த இலத்திரனியல் காட்சியறை ஒன்றில் இன்று செவ்வாய்க்கிழமை காலை ஏற்பட்ட தீப்பரவல் காரணமாக குறித்த கடை முழுமையாக எரிந்துள்ளது.
காட்சியறையின் மேல் தளத்தில் ஏற்பட்ட மின்னொழுக்கே தீ பரவலுக்கு காரணம் என சந்தேகிக்கப்படுகின்றது.
மாநகர சபை தீயணைப்பு பிரிவு குறித்த இடத்திற்கு வருகை தந்து தீயை அணைப்பதற்கு முயற்சித்த போதும் அது கட்டுக்கடங்காமல் பரவி சேதத்தை ஏற்படுத்தியுள்ளது.
தீயை கட்டுப்படுத்துவதற்கு விமானப்படை இராணுவத்தினர் மற்றும் பொலிஸாரின் உதவியும் பெறப்பட்டிருந்தமை குறிப்பிடத்தக்கது.
