Thursday, February 19, 2026 4:10 pm
இந்தியாவில் தமிழக சட்டப்பேரவைத் தேர்தலில் தே.மு.தி.க. யாருடன் கூட்டணி என நீண்ட நாள் எதிர்பார்ப்பு நிலவிய நிலையில் யாரும் எதிர்பாராத நகர்வாக தி.மு.க கூட்டணியில் தே.மு.தி.க. இணைந்துள்ளது.
சென்னையில் திமுக தலைமையகமான அண்ணா அறிவாலயத்தில் தமிழக முதல்வர் மு.க.ஸ்டாலினுடன், தே.மு.தி.க. பொதுச் செயலாளர் பிரேமலதா விஜயகாந்த், பொருளாளர் எல்.கே.சுதீஷ் ஆகியோர் சந்திப்பு நிகழ்த்தினர். இந்த சந்திப்பின் போது துணை முதல்வர் உதயநிதி ஸ்டாலின், மூத்த அமைச்சர்கள் சேகர்பாபு, கனிமொழி எம்.பி. உள்ளிட்டோர் கலந்துகொண்டனர்.
கடந்த 2011 ஆம் ஆண்டு விஜயகாந்த் தலைமையில் தே.மு.தி.க. தான் எதிர்கொண்ட முதல் சட்டப்பேரவைத் தேர்தலிலேயே 29 எம்.எல்.ஏ.க்களுடன் வலுவான அரசியல் பயணத்தைத் தொடங்கியது. அதன்பின்னர் அ.தி.மு.கவுடன் ஏற்பட்ட விரிசல் காரணமாக 2016 சட்டப்பேரவைத் தேர்தலில் விஜயகாந்தை முதல்வர் வேட்பாளராக அறிவித்து மக்கள் நலக் கூட்டணியாக களம் கண்டு தோல்வியை சந்தித்தது.
இந்நிலையில் வரவிருக்கும் சட்டப்பேரவைத் தேர்தலில் தி.மு.க. கூட்டணியில் தே.மு.தி.க இணைந்துள்ளது.
