Friday, November 28, 2025 12:04 pm
நாட்டில் நிலவும் சீரற்ற வானிலை தொடர்பாக பாராளுமன்றத்தில் ஜனாதிபதி கலந்துரையாடல் ஒன்றை மேற்கொண்டுள்ளார்.
குறித்த கூட்டத்தில் வானிலையால் பாதிக்கப்பட்ட பொதுமக்களுக்கு உடனடி உதவிகளை வழங்குமாறு ஜனாதிபதி அவசர உத்தரவு பிறப்பித்துள்ளார். மீட்பு நடவடிக்கைகளை மேற்கொள்வதற்காக ஏற்கனவே 20,500 க்கும் மேற்பட்ட இராணுவ வீரர்கள் நிறுத்தப்பட்டுள்ளனர்.
இதுவரையில் சுமார் 3,790 பேரை மீட்டு பாதுகாப்பான மையங்களுக்கு இராணுவம் அழைத்து வந்துள்ளதாக தெரிய வந்துள்ளது. அத்துடன் கண்டி, நுவரெலியா மற்றும் பதுளையில் ஏற்பட்ட கடும் வெள்ளம், நிலச்சரிவுகள் மற்றும் சாலை மூடல்கள் மீட்பு நடவடிக்கைகளை சவாலானதாக மாற்றியுள்ளன.
ஆனாலும் இராணுவம் தொடர்ந்து முயற்சிகளை மேற்கொண்டு தான் வருகிறது. இலங்கை கடற்படை மற்றும் விமானப்படையினரும் மீட்புப் பணிகளுக்கு தீவிரமாக ஆதரவளித்து வருகின்றமை குறிப்பிடத்தக்கது.
