Saturday, November 29, 2025 1:42 pm
இலங்கைத்தீவில் ஏற்பட்ட டித்வா புயல் காரணமாக இதுவரை 123 பேர் உயிரிழந்துள்ளனர். 130 பேர் காணாமல் போயுள்ளதாக அனர்த்த முகாமைத்துவ மத்திய நிலையம் தெரிவித்துள்ளது.
காணாமல் போனோரை மீட்கும் பணிகள் தீவிரமாக தொடர்ந்து முன்னெடுக்கப்பட்டு வருகின்றன. மீட்பு பணிகளில் இந்திய ஹெலிகொப்டர்கள் பயன்படுத்தப்படுகின்றன.
புயலினால், இதுவரை 61,175 குடும்பங்களைச் சேர்ந்த மொத்தம் 219,282 நபர்கள் பாதிக்கப்பட்டுள்ளனர். இலங்கை முழுவதும் 266 பாதுகாப்பு முகாம்கள் அமைக்கப்பட்டுள்ளன. இதில் 5,890 குடும்பங்களைச் சேர்ந்த 18,443 பேர் தங்கியுள்ளனர்.
இதேவேளை, மகா ஓயா பாள்ளத்தாக்கின் தாழ்வான பகுதிகளில் என்றுமே இல்லாத அளவுக்கு, அடுத்த 24 மணி நேரத்துக்குள் வெள்ளப் பெருக்கு ஏற்படும் ஆபத்து உள்ளதாக நீர்ப்பாசணத் திணைக்களம் இன்று சனிக்கிழமை அறிவித்துள்ளது.
