Monday, November 24, 2025 3:49 pm
தென்காசி மாவட்டம் கடையநல்லூர் அருகே இரண்டு தனியார் பஸ்கள் நேருக்கு நேர் மோதி பயங்கர விபத்து இடம்பெற்றுள்ளது.
இந்த விபத்தில் 5 பெண்கள் உட்பட 6 பேர் உயிரிழந்ததுடன் சிறுவர்கள் உட்பட 40-க்கும் மேற்பட்டோர் காயமடைந்துள்ளனர். காயமடைந்தவர்கள் 20-க்கும் மேற்பட்ட அம்புலன்ஸ் வண்டிகள் மூலம் தென்காசி அரசு வைத்தியசாலைக்கு கொண்டு செல்லப்பட்டு சிகிச்சைக்காக அனுமதிக்கப்பட்டுள்ளனர்.
தனியார் பஸ்கள் இரண்டும் போட்டி போட்டு கொண்டு சென்றதால் இந்த விபத்து ஏற்பட்டதாக முதல்கட்ட தகவல் வெளியாகியுள்ளது.
இதுதொடர்பாக பொலிஸார் வழக்குப்பதிவு செய்து விசாரணை நடத்தி வருகின்றனர்.
இந்த சம்பவம் அந்த பகுதியில் பெரும் சோகத்தை ஏற்படுத்தியுள்ளது.
