Friday, November 21, 2025 3:47 pm
வங்கி அட்டைகள் மூலம் பஸ் கட்டணங்களை செலுத்தும் முறை எதிர்வரும் திங்கட்கிழமை (24) முதல் ஆரம்பமாகும் என போக்குவரத்து மற்றும் நெடுஞ்சாலைகள் அமைச்சு தெரிவித்துள்ளது.
கொட்டாவையில் அமைந்துள்ள மகும்புர பல்நோக்கு போக்குவரத்து மையத்தில் இந்த அட்டை கட்டண முறை நிகழ்வு ஆரம்பிக்கப்படும் என அமைச்சு கூறியுள்ளது.
காலி, மாத்தறை மற்றும் பதுளைக்கு செல்லும் பஸ்களுக்கான கட்டணங்களை வங்கி அட்டைகள் மூலமாக பயணிகள் செலுத்த முடியும்.
இந்த முயற்சிக்கு அரசு, தனியார் உட்பட மொத்தம் 05 வங்கிகள் இணைந்துள்ளது என போக்குவரத்து அமைச்சு தெரிவித்துள்ளது.
