Wednesday, November 12, 2025 6:48 pm
டெல்லியில் நேற்று முன்தினம் இடம்பெற்ற கார் வெடி விபத்தின் எதிரொலியாக பாம்பன் புதிய புகையிரத பாலத்தில் ஆயுதம் ஏந்திய பொலிஸார் பாதுகாப்பு பணியில் ஈடுபட்டுள்ளனர்.
டெல்லி செங்கோட்டை அருகே கடந்த 10ம் திகதி மாலை, கார் வெடித்து விபத்து ஏற்பட்டதையடுத்து இந்தியா முழுவதும் பலத் பாதுகாப்பை வழங்குமாறு உளவுத்துறை அறிவுறுத்தியுள்ளனர்.
இதனடிப்படையில் மக்கள் அதிகம் கூடும் இடங்களில், வெடிகுண்டுகள் கண்டறியும் உலோகக் கண்டுபிடிப்பான் மற்றும் மோப்ப நாய் உதவியுடன் தொடர்ந்து சோதனை நடவடிக்கைகள் முன்னெடுக்கப்படுகின்றன.
பாம்பன் கடலில் புதிதாக கட்டப்பட்டுள்ள புதிய புகையிரத பாலத்தில் தமிழ்நாடு பொலிஸார் ஆயுதம் ஏந்தி பாலத்தின் இருபுறமும் பாதுகாப்பு பணியில் ஈடுபட்டு வருகின்றனர்.

