Friday, December 5, 2025 12:10 pm
கடந்த 25 வருடங்களாக தமிழ் சினிமாவில் தனக்கென ஒரு அடையாளத்தை தக்க வைத்திருப்பவர் நடிகர் ஷாம்.
தமிழ் சினிமாவில் அறிமுகமாகி, இன்று பான் இந்திய நட்சத்திரமாக உயர்ந்திருக்கும் நடிகர் ஷாம், ‘வரும் வெற்றி’ என்ற சுயாதீன இசை அல்பத்தை இயக்கி இயக்குநராக புதிய அவதாரம் எடுத்திருக்கிறார்.
இது அவருடைய திரைப்பயணத்தில் ஒரு புதிய முயற்சி; இசையமைப்பாளர் யுவன் ஷங்கர் ராஜா இசையமைத்த பாடல்களுக்கு, ஷாம் தனது இயக்கத்தில் வீடியோக்களை உருவாக்கி வருகிறார், இது அவரது ரசிகர்களிடையே பெரும் எதிர்பார்ப்பை அதிகரித்துள்ளது.
நடிகர்கள் நடிப்பதுடன் மட்டுமல்லாமல் பின்னணி பாடுவது,படங்களை இயக்குவது என தங்களுக்கு ஆர்வம் உள்ள துறையிலும் ஈடுபட்டு தங்களுடைய கலைச்சேவையின் எல்லையை தொடர்ந்து விரிவுபடுத்தி புதிய சாதனையை படைத்து வருகிறார்கள்.
அந்த வகையில் பல வெற்றிப்படங்களுக்கு சொந்தக்காரரான நடிகர் ஷாம் தற்போது ‘வரும் வெற்றி’ எனும் சுயாதீன இசை அல்பம் மூலம் இயக்குநராக உருவெடுத்திருக்கிறார்.
இசையமைப்பாளர் அம்ரீஷ் இசையில் உருவான இந்தப் பாடலை, கன்னட திரையுலகின் முன்னணி நட்சத்திர நடிகர் கிச்சா சுதீப் பாடி இருக்கிறார். இந்த பாடலை பிரபல இசை நிறுவனமான டி சீரிஸ் வெளியிடுகிறது. இந்த சுயாதீன இசை அல்பத்தை எஸ் ஐ ஆர் ஸ்டுடியோஸ் நிறுவனம் சார்பில் தயாரிப்பாளர் தயாரித்து இயக்கியிருக்கிறார்.
அத்துடன் இந்த பாடலுக்கான காணொளியில் நடிகர் ஷாம் மற்றும் நடிகை நிரா இணைந்து நடித்துள்ளனர். இதற்கு மாஸ்டர் ஸ்ரீதர் நடனம் அமைத்துள்ளார். இந்தப் பாடல் தற்போது இணையத்தில் வெளியாகி பெரும் வரவேற்பை பெற்று வருகின்றமை குறிப்பிடத்தக்கது.
