Sunday, November 23, 2025 2:32 pm
2025 ஆம் ஆண்டுக்கான உயர்தரப் பரீட்சையானது நாட்டின் அனைத்து பகுதிகளிலும் நடைபெற்று வருகின்றது.
இந்த நிலையில் கிளிநொச்சியிலுள்ள பாடசாலை ஒன்றில் கடமையில் இருந்த பரீட்சை மேற்பார்வையாளர் ஒருவர் பணி இடை நீக்கம் செய்யப்பட்டுள்ள சம்பவம் நிகழ்ந்துள்ளது.
பூநகரி நல்லூர் மகா வித்தியாலயத்தில் கடமையில் இருந்த பரீட்சை மேற்பார்வையாளர் ஒருவரே இவ்வாறு பணி நீக்கம் செய்யப்பட்டுள்ளார்.
கடந்த 20ஆம் திகதி நடைபெற்ற உயர்தரப் பரீட்சையின் போது கடமையில் இருந்த குறித்த நபர் மது போதையில் இருந்ததாக வலயக் கல்வி பணிப்பாளருக்கு அறிவிக்கப்பட்டதை அடுத்து பணியில் இருந்து நீக்கப்பட்டுள்ளார்.
சம்பவம் தொடர்பில் விசாரணைகள் ஆரம்பிக்கப்பட்டுள்ளன.
