Friday, December 19, 2025 2:46 pm
இலங்கையை தாக்கிய “டித்வா” புயலினால் பாதிக்கப்பட்டவர்களுக்கு ஆதரவளிப்பதற்காக நிறுவப்பட்ட “இலங்கையை மீண்டும் கட்டியெழுப்புதல்” நிதியம் இன்றுவரை ரூ. 4.2 பில்லியனுக்கும் அதிகமான நிதி உதவியைப் பெற்றுள்ளதாக நிதி, திட்டமிடல் மற்றும் பொருளாதார மேம்பாட்டு அமைச்சகம் அறிவித்துள்ளது.
திறைசேரி மொத்த பங்களிப்புகளில் ரூ.43,286 மில்லியனைப் பதிவு செய்துள்ளது. இதில் ரூ.4263 மில்லியன் வங்கிக் கணக்குகளில் நேரடி வைப்புத்தொகையாகவும், ரூ.23 மில்லியன் வெளிநாட்டு நாணயமாகவும் சேர்க்கப்பட்டுள்ளது என நிதி அமைச்சகத்தின் செயலாளர் ஹர்ஷன சூரியப்பெரும தெரிவித்துள்ளார்.
“மொத்தம் இப்போது ரூ. 4.2 பில்லியனுக்கும் அதிகமாக உள்ளது. வெளிநாட்டு நாணய பங்களிப்புகள் 6 மில்லியன் அமெரிக்க டாலர்களைத் தாண்டியுள்ளன.”
நலம் விரும்பிகள், தொழில்முனைவோர், அமைப்புகள், வணிகங்கள் மற்றும் வெளிநாடுகளில் வசிக்கும் இலங்கையர்களிடமிருந்து கிடைத்த ஆதரவுக்கு அவர் தனது நன்றியைத் தெரிவித்தார்.
அனைத்து நிதிகளும் திறைசேரியால் ஆவணப்படுத்தப்பட்டுள்ளன. மேலும் பாதிக்கப்பட்ட சமூகங்களைச் சென்றடைவதை உறுதி செய்வதற்காக பொருட்கள் உடனடியாக பேரிடர் மேலாண்மை மையத்திடம் ஒப்படைக்கப்படுகின்றன எனவும் அவர் தெரிவித்துள்ளார்.
