காஸாவில் மோதலை முடிவுக்குக் கொண்டுவர 60 நாள் போர்நிறுத்தத்தை இறுதி செய்வதற்கு தேவையான நிபந்தனைகளுக்கு இஸ்ரேல் ஒப்புக்கொண்டுள்ளதாக அமெரிக்க அதிபர் டொனால்ட் ட்ரம்ப் செவ்வாய்க்கிழமை தெரிவித்தார், இந்த ஒப்பந்தத்தை ஹமாஸ் ஏற்றுக்கொள்ள வேண்டும் என்றும் வலியுறுத்தினார்.
“60 நாள் CEASEFIRE ஐ இறுதி செய்வதற்கு தேவையான நிபந்தனைகளுக்கு இஸ்ரேல் ஒப்புக் கொண்டுள்ளது, அந்த நேரத்தில் போரை முடிவுக்குக் கொண்டுவர அனைத்து தரப்பினருடனும் நாங்கள் இணைந்து பணியாற்றுவோம்” என்று ட்ரம்ப் தனது சமூக ஊடக தளமான Truth Social இல் எழுதினார்.
“அமைதியைக் கொண்டுவர மிகவும் கடினமாக உழைத்த கட்டார் மற்றும் எகிப்தியர்கள், இந்த இறுதி முன்மொழிவை வழங்குவார்கள்” என்று ட்ரம்ப் கூறினார்.
இந்த ஒப்பந்தத்தை ஹமாஸ் ஏற்றுக்கொள்ள வேண்டும் என்றும் அவர் வலியுறுத்தினார். “மத்திய கிழக்கின் நன்மைக்காக, ஹமாஸ் இந்த ஒப்பந்தத்தை ஏற்றுக் கொள்ளும் என்று நான் நம்புகிறேன், ஏனெனில் அது சிறப்பாக மாறாது – அது மோசமாகத்தான் போகும்” என்று ட்ரம்ப் மேலும் கூறினார்.
