Wednesday, November 26, 2025 12:23 pm
ஆட்டோவில் பயணித்த சிறுமி தலையை வெளியே எட்டிப் பார்த்த போது டிப்பர் வாகனத்துடன் மோதி சிறுமி உயிரிழந்த சம்பவம் களுத்துறை – மில்லனிய பகுதியில் இடம்பெற்றுள்ளது.
குறித்த சிறுமி பாலர் பாடசாலை நிறைவடைந்ததும் முச்சக்கர வண்டியில் வீடு திரும்பிக் கொண்டிருந்தபோதே இந்த விபத்து இடம்பெற்றுள்ளது.
முச்சக்கர வண்டி மில்லனிய ரன்மினிக பிரதேசத்தை வந்தடைந்தபோது அதற்கு எதிர்த் திசையிலிருந்து ஒரு டிப்பர் வாகனம் வேகமாக வந்துள்ளது. இதன்போது முச்சக்கர வண்டியின் பின் இருக்கையின் வலது பக்கத்தில் அமர்ந்திருந்த சிறுமி வண்டியில் இருந்து வெளியே தலையை நீட்டியபடி வந்தபோது எதிர்த் திசையில் வந்த டிப்பர் வாகனம் மோதி விபத்துக்குள்ளானதாக பொலிஸார் தெரிவித்துள்ளனர்.
இந்த விபத்தில் 04 வயது சிறுமி ஒருவரே உயிரிழந்துள்ளார்.
