தற்போதைய அரசாங்கம் இலங்கையில் அரசியலமைப்பு சர்வாதிகாரத்தை நிறுவ முயற்சிப்பதாகக் கூறிய முன்னாள் ஜனாதிபதி ரணில் விக்ரமசிங்க 1,000 கூட்டு எதிர்க்கட்சி பேரணிகள், சத்தியாக்கிரகங்கள், போராட்டங்கள நடத்த அழைப்பு விடுத்தார்,
ஐக்கிய தேசியக் கட்சி (UNP) மாநாட்டில் உரையாற்றிய ரனில் விக்ரமசிங்க மேலும் தெரிவிக்கையில்,
“பல்வேறு எதிர்க்கட்சி அரசியல்வாதிகளிடமிருந்து ஒன்றுபட்ட போராட்டத்திற்கான அழைப்புகளை நாங்கள் கேட்டுள்ளோம். இன்றைய மாநாடு அந்த கூட்டு முயற்சியின் தொடக்கத்தைக் குறிக்கிறது,”
“1,000 கூட்டு பேரணிகளை ஏற்பாடு செய்வோம். சத்தியாக்கிரகங்களையும் நடத்துவோம். உங்களில் சிலர் பாத யாத்திரைகளை நடத்துவதில் அனுபவம் வாய்ந்தவர்கள் என்பது எனக்குத் தெரியும். எனவே இந்த அரசியலமைப்பு சர்வாதிகாரத்திற்கு எதிராக நாம் ஒன்றுபட்டு நிற்போம்,”
“கடந்த மாதம் பல நாடுகளுக்கு அதிகாரப்பூர்வ சுற்றுப்பயணம் மேற்கொண்டதற்காக நான் கைது செய்யப்பட்டேன்,” “நான் ஹவானாவில் நடந்த G77 உச்சி மாநாட்டில் கலந்து கொண்டேன், பின்னர் ஐ.நா. அமர்வுகளுக்காக அமெரிக்கா சென்றேன், அங்கு உலக வங்கி மற்றும் IMF தலைவர்களையும் சந்தித்தேன். இங்கிலாந்தில் எனது நிறுத்தம் ஒரு போக்குவரத்துப் பயணம் மட்டுமே. இந்தப் பயணத்திற்கு நான் பொது நிதியைப் பயன்படுத்தவில்லை. எனது வழக்கறிஞர்களின் ஆலோசனையின் பேரில், இந்த நேரத்தில் கைது குறித்து நான் மேலும் பேசமாட்டேன்,” என்று அவர் கூறினார்.
