சமூக ஊடகத் தடைக்கு எதிரான போராட்டங்களில் குறைந்தது 13 பேர் பலி
அரசாங்க சமூக ஊடகத் தடைக்கு எதிரான ஆர்ப்பாட்டங்கள் நேபாளத்தில் சமூக ஊடகதடைக்கு எதிராக நடைபெற்ற போராட்டத்தில் போராட்டக்காரர்களுக்கும் பாதுகாப்புப் படையினருக்கும் இடையே நடந்த மோதலில் 13 பேர் கொல்லப்பட்டனர் பலர் காயமடைந்துள்ளனர்.
பேஸ்புக், எக்ஸ், யூடியூப் உள்ளிட்ட தளங்களை தடை செய்யும் முடிவை எதிர்த்து காத்மாண்டுவில் உள்ள பாராளுமன்ற கட்டிடம் அருகே கூடுமாறு தங்களை ஜெனரேஷன் இசட் என்று வர்ணித்துக் கொள்ளும் ஆர்ப்பாட்டக்காரர்களின் அழைப்பை அடுத்து ஆயிரக் கணக்கானோர் கூடினர்.
நீர் பீரங்கிகள், தடியடிகள் ,ரப்பர் தோட்டாக்கள் உள்ளிட்டவற்றை பொலிஸார் பயன் படுத்தி ஆர்ப்பாட்டக் காரர்களைக் கலைத்தனர்.
போலி செய்திகள், வெறுப்புப் பேச்சு , ஒன்லைன் மோசடிகளைச் சமாளிக்க சமூக ஊடகத் தளங்கள் ஒழுங்குபடுத்தப்பட வேண்டும் என்று அரசாங்கம் கூறியுள்ளது.
ஆனால் இன்ஸ்டாகிராம் போன்ற பிரபலமான தளங்களில் நேபாளத்தில் மில்லியன் கணக்கான பயனர்கள் உள்ளனர், அவர்கள் பொழுதுபோக்கு, செய்திகள்,வணிகத்திற்காக அவற்றை நம்பியுள்ளனர்.
பேரணி பாராளுமன்றத்திற்கு அருகிலுள்ள தடைசெய்யப்பட்ட பகுதிக்குள் சென்றபோது, சில போராட்டக்காரர்கள் சுவரில் ஏறினர். “போராட்டக்காரர்கள் தடைசெய்யப்பட்ட பகுதிக்குள் நுழைந்த பிறகு கண்ணீர் புகை , நீர் பீரங்கிகளைப் பயன்படுத்தினர்,” என்று பொலிஸ் செய்தித் தொடர்பாளர் சேகர் கானல் தெரிவித்தார்.
போராட்டக்காரர்கள் உள்ளே நுழைய முயன்றதைத் தொடர்ந்து பாராளுமன்ற கட்டிடம் உள்ளிட்ட பகுதிகளைச் சுற்றி ஊரடங்கு உத்தரவு பிறப்பிக்கப்பட்டதாக காத்மாண்டு மாவட்ட அலுவலக செய்தித் தொடர்பாளர் ஒருவர் தெரிவித்தார்.
ஊரடங்கு உத்தரவு அறிமுகப்படுத்தப்பட்டதைத் தொடர்ந்து தெருக்களில் ஒரு சிறிய படை வீரர்கள் நிறுத்தப்பட்டதாக நேபாள ராணுவ செய்தித் தொடர்பாளர் ராஜாராம் பாஸ்நெட் பிபிசியிடம் தெரிவித்தார்.
நேபாளத்தின் தகவல் தொடர்பு மற்றும் தகவல் தொழில்நுட்ப அமைச்சகத்தில் பதிவு செய்வதற்கான காலக்கெடுவை மீறியதற்காக 26 சமூக ஊடக தளங்களைத் தடுக்க கடந்த வாரம் அதிகாரிகள் உத்தரவிட்டனர்.
வெள்ளிக்கிழமை முதல், பயனர்கள் தளங்களை அணுகுவதில் சிரமத்தை அனுபவித்துள்ளனர், இருப்பினும் சிலர் தடையைத் தவிர்க்க VPNகளைப் பயன்படுத்துகின்றனர்.தடையைத் தொடர்ந்து அமைச்சகத்தில் பதிவு செய்த பிறகு இதுவரை இரண்டு தளங்கள் மீண்டும் செயல்படுத்தப்பட்டுள்ளன.
நேபாள அரசாங்கம் சமூக ஊடகங்களைத் தடை செய்யவில்லை, ஆனால் அவற்றை நேபாள சட்டத்தின்படி கொண்டு வர முயற்சிப்பதாக வாதிட்டது.
