க.பொ.த சாதாரண தரப் பரீட்சை (2024/2025) மார்ச் 17, 2025 அன்று தொடங்கி மார்ச் 26 வரை இடம்பெறவுள்ளதாக இலங்கைப் பரீட்சைகள் திணைக்களம் அறிவித்துள்ளது.
பாடசாலை மாணவர்களின் அனுமதி அட்டைகள் ஏற்கனவே அவர்களது பாடசாலையின் அதிபருக்கு தபால் மூலம் அனுப்பப்பட்டுள்ளதாகவும், தனியார் விண்ணப்பதாரர்களின் அனுமதி அட்டைகள் அவர்களது வீடுகளுக்கு அனுப்பப்பட்டுள்ளதாகவும் பரீட்சைகள் திணைக்களம் தெரிவித்துள்ளது.
பரீட்சை அட்டைகள் கிடைக்காதவர்கள், மார்ச் 07, 2025 க்கு முன்பாக www.doenets.lk என்ற அதிகாரப்பூர்வ வலைத்தளத்திலிருந்து பதிவிறக்கம் செய்து கொள்ள ஏற்பாடுகள் செய்யப்பட்டுள்ளதாக கூறப்படுகிறது.
தங்கள் பெயர்கள், பாடங்கள் அல்லது மொழியில் மாற்றங்களைச் செய்ய வேண்டியிருந்தால் https://onlineexams.gov.lk/eic வழியாக மார்ச் 10, 2025 வரை ஆன்லைனில் செய்யலாம் என்று பரீட்சைகள் திணைக்களம் மேலும் தெரிவித்துள்ளது.
