கொள்கலன் நெரிசலைத் தீர்க்க விஷேச‌ வேலைத் திட்டம்

துறைமுகத்தில் நிலவும் கொள்கலன் நெரிசலை முடிவுக்குக் கொண்டுவர 29 முன்னணி வர்த்தக சபைகள் குறுகிய கால மற்றும் நடுத்தர கால தீர்வுகள் உள்ளிட்ட முன்மொழிவை அரசாங்கத்திடம் சமர்ப்பித்துள்ள நிலையில் இலங்கை சுங்கம் நான்கு நாட்கள் விஷேச‌ வேலைத்திட்டம் ஒன்றை ஆரம்பித்துள்ளதாக இலங்கை சுங்க ஊடகப் பேச்சாளர் தெரிவித்துள்ளார்.
கொழும்பு துறைமுகத்தில் உள்ள கொள்கலன் முனையங்களில் இருந்து இறக்குமதி செய்யப்பட்ட கொள்கலன்களை அகற்றி விடுவிப்பதில் ஏற்பட்ட தாமதங்கள் காரணமாக பல வாரங்களாக ஏற்பட்டுள்ள கொள்கலன் வாகனங்களின் வரிசைநேற்று வெள்ளிக்கிழமை (31) பிற்பகலிலும் தொடர்ந்தது.