க.பொ.த உயர்தரப் பரீட்சை முடிவுகள் வெளியிடப்படுவது குறித்து பரீட்சைத் திணைக்களம் சிறப்பு அறிக்கை ஒன்றை வெளியிட்டுள்ளது.
அந்த அறிக்கையின் படி, உயர்தரப் பரீட்சை முடிவுகள் குறித்து சமீபத்தில் பரவிய ஊடக அறிக்கைகள் தவறானவை எனவும் உயர்தரப் பரீட்சை முடிவுகள் வெளியிடுவது குறித்து இதுவரை எந்த அதிகாரப்பூர்வ அறிவிப்பும் வெளியிடப்படவில்லை எனவும் குறிப்பிடப்பட்டுள்ளது.
பரீட்சை பெறுபேறுகள் தொடர்பாக பல்வேறு ஊடகங்கள் மூலம் வெளியிடப்படும் தவறான செய்திகளைக் கண்டு மக்கள் ஏமாற வேண்டாம் எனவும் பரீட்சைகள் திணைக்களம் கேட்டுக்கொண்டுள்ளது.
