இன்று முதல் தினசரி மின்வெட்டு அமுல்படுத்தப்படமாட்டாது என மின்சக்தி மற்றும் எரிசக்தி அமைச்சு தெரிவித்துள்ளது.
நுரைச்சோலை நிலக்கரி அனல் மின் நிலையத்தில் உள்ள மூன்று மின் பிறப்பாக்கிகள் செயலிழந்திருந்ததாலே கடந்த ஞாயிற்றுக்கிழமை நாடு முழுவதும் திடீர் மின் தடை ஏற்பட்டது.
மின்சார தேவையை நிர்வகிக்க முடியாததால் திங்கள், செவ்வாய், வியாழக்கிழமைகளில் ஒன்றரை மணி நேரம் மின்வெட்டை அமுல்படுத்த இலங்கை மின்சார சபை நடவடிக்கை எடுத்தது.
இருப்பினும், பௌர்ணமி தினம் என்பதால் நேற்றுமுன்தினம் மின் விநியோகத்தடை அமுல்படுத்தப்படவில்லை.
நேற்று பிற்பகல் வரை செயற்படாமல் இருந்த மின் பிறப்பாக்கிகள் மீண்டும் இயக்கப்பட்டுள்ளன.
