இந்தியப் பிரதமர் நரேந்திர மோடி, ஏப்ரல் 04 முதல் 06 வரை இலங்கைக்கு அதிகாரப்பூர்வ அரசு முறைப் பயணத்தை மேற்கொள்வார் என்று இலங்கை வெளியுறவு அமைச்சகம் அறிவித்துள்ளது.
இந்த விஜயத்தின் போது, இந்தியப் பிரதமர் ஜனாதிபதி அநுரகுமார திசாநாயக்க மற்றும் பிரதமர் ஹரிணி அமரசூரிய ஆகியோருடன் இருதரப்பு பேச்சுவார்த்தைகளில் ஈடுபடவுள்ளதாக இந்திய வெளிவிவகார அமைச்சு தெரிவித்துள்ளது.
இலங்கையில், இந்தியப் பிரதமர் அனுராதபுரத்திற்குச் சென்று புனித ஸ்ரீ மகா போதிக்கு வழிபாடு நடத்தவும், இந்திய அரசின் உதவியுடன் இலங்கையில் செயல்படுத்தப்படும் பல திட்டங்களைத் தொடங்கி வைக்கவும் திட்டமிடப்பட்டுள்ளது.
இந்த விஜயத்தின் போது இரு நாடுகளுக்கும் இடையே கையெழுத்தான பல புரிந்துணர்வு ஒப்பந்தங்களும் பரிமாறிக்கொள்ளப்படும் என்று எதிர்பார்க்கப்படுகிறது.
இந்திய வௌிவிவகார அமைச்சருடன் அந்நாட்டு தேசிய பாதுகாப்பு ஆலோசகர், இந்திய வௌிவிவகார செயலாளர் மற்றும் இந்திய அரசாங்கத்தின் பல சிரேஷ்ட அதிகாரிகள் ஆகியோர் மோடியுடன் வருகை தரவுள்ளதாக இந்திய வௌிவிவகார அமைச்சு வெளியிட்டுள்ள அறிக்கையில் குறிப்பிடப்பட்டுள்ளது.
அனுரகுமார திசநாயக்கவின் அழைப்பின் பேரில் மோடி இலங்கைக்கு பயணம் செய்கிறார் என்று இந்திய வெளியுறவு அமைச்சகம் தெரிவித்துள்ளது.
