அங்கோர் கோவிலின் மறுசீரமைப்பு பணி நிறைவு

யுனெஸ்கோவால் பட்டியலிடப்பட்ட அங்கோர் தொல்பொருள் பூங்காவில் புனோம் குரோம் கோயிலின் வடக்குப் பகுதியில் 1,000 ஆண்டுகளுக்கும் மேலான பழமையான செங்கல் கோயிலின் மறுசீரமைப்பு பணியை கம்போடியா நிறைவு செய்துள்ளதாக அப்சாரா தேசிய ஆணையம் திங்களன்று தெரிவித்துள்ளது.
ஒன்பதாம் நூற்றாண்டின் பிற்பகுதியில் கட்டப்பட்ட இந்த இந்து கோயில், தோராயமாக ஆறு மீட்டர் அகலமும் ஏழு மீற்றருக்கும் அதிகமான உயரமும் கொண்டது என்று ANA வின் நினைவுச்சின்னங்கள் மற்றும் தடுப்பு தொல்லியல் பாதுகாப்புத் துறையின் பாதுகாப்பு அதிகாரி ரோஸ் விசோத் தெரிவித்தார்.
மறுசீரமைப்புப் பணிகள் ஜூன் 2024 இல் தொடங்கி டிசம்பர் 2024 இன் பிற்பகுதியில் நிறைவடைந்தன.
வடமேற்கு சீம் ரீப் மாகாணத்தில் அமைந்துள்ள, 401 சதுர கிலோமீற்ற‌ர் பரப்பளவில் அமைந்துள்ள அங்கோர் தொல்பொருள் பூங்கா, ஒன்பதாம் நூற்றாண்டு முதல் 13 ஆம் நூற்றாண்டு வரை கட்டப்பட்ட 91 பழங்கால கோயில்களைக் கொண்டுள்ளது.
ராஜ்ஜியத்தின் மிகவும் பிரபலமான சுற்றுலாத் தலமான இந்த பண்டைய தளம், 2024 ஆம் ஆண்டில் மொத்தம் 1.02 மில்லியன் சர்வதேச சுற்றுலாப் பயணிகளை ஈர்த்தது, இதன் மூலம் டிக்கெட் விற்பனையிலிருந்து 47.8 மில்லியன் அமெரிக்க டொலர் மொத்த வருவாய் ஈட்டியதாக அரசுக்குச் சொந்தமான அங்கோர் எண்டர்பிரைஸ் தெரிவித்துள்ளது.